Miyerkules, Enero 27, 2010

Cebu dancing inmates, hataw ulit sa YouTube!

Humahataw na naman sa YouTube ang mga dancing inmates ng Cebu Provincial Detention and Rehabilitation Center (CPDRC) dahil sa kanilang bagong video na "They Don't Care About Us," na isa pa ring kanta ni Michael Jackson.

Ang "Thriller," ang nagpasikat sa mga dancing inmates nung ito ay kanilang isayaw at napanood ng milyon-milyon sa YouTube, kasama na dun si Michael Jackson.

Sinabi mismo ni Travis Payne, ang choreographer ni Michael, na nagustuhan at natuwa ito nuong mapanood niya ang video. At madalas daw nila itong panoorin kapag break nila nuong nagre-rehearse sila para sana sa farewell concert ni Michael na "This Is It."

Sa kanilang bagong video, kasama ng mga inmates si Payne, na siyang nag-direct sa kanilang dance number.

At heto ang video nila



Hanep! Ang galing talaga nila!

Baka nga daw mapasali pa ang video nila sa DVD copy ng "This Is It" concert.

Piktyur! Piktyur!

"O kodak tayo!" madalas nating marinig nuon, na ang ibig sabihin pala ay magpalitrato. Yun kasi ang pinakasikat na brand ng kamera nuon, kaya yun ang madalas sinasabi. Magastos nuon, kasi de-film pa. Buti na lang digital na ngayon, kahit ilang beses pa kayo magkodakan, okay lang.

Kagandahan pa ng digital, you can create funny photo at di na kailangan ng makina o equipment. Basta may computer ka, okay na. Kung may internet connection ka pa, marami ka pang mapupuntahan na site where you can make online funny photo effects at ang resulta ay parang professional.

Kahit hindi naman funny o nakakatawa, kung feeling mong maging artistic, madali na lang. Kasi marami nang program na kung saan makakapag-edit ka nang picture, o mga website na makakagawa ka ng magagandang effects.

Katulad na lamang ng mga ginawa kong ito.




O di ba, feeling artist ako bigla kasi nakagawa ako ng magagandang effects kahit hindi ko maintindihan kung paano.

Ginawa ko ang mga iyan sa picjoke.com, a site where you can make funny photo or artistic photo effect in a flash! Ang galing, di ba? Bakit di ninyo subukan? Sigurado, maaliw din kayo.

O ano pang hinintay n'yo? Halika ka na, kodakan na tayo!

Biyernes, Enero 1, 2010

Naitaboy nga ba?

Bago ang lahat, nais kong bumati ng Manigong Bagong Taon!

2010 na, tapos na ang 2009 (obvious ba?). Maraming mga nangyari sa 2009, maganda at di masyadong maganda. Pero mas mabuti siguro kung iisipin na lang ang mga magagandang pangyayari....

pero hindi dapat malimutan ang mga leksyon na ibinigay ng mga hindi magandang pangyayari.

Ngunit hindi naman yun ang pakay ng post kong ito e, pasakalye lang naman yan... pampahaba, ika nga.

Nabingi ba kayo sa mga putukan nuong bagong taon? Ang lalakas na ng mga paputok ngayon 'no? Nakakatakot na nga 'yong iba.

Para sa mga hindi nakakaalam, ang pagpapatutok ay ginagawa hindi lamang upang salubungin ng masaya at maingay ang papasok na taon.

Isa pang dahilan ng pagpaputok sa bagong taon ay upang maitaboy ang mga masasaman espiritu.

Ang tanong: Naitataboy naman ba?

Mukhang hindi yata. Kahit gaano kalakas ang mga putukan, parang hindi rin sila naitataboy. Dahil andyan pa rin sila at nakaupo.

Ang nakikita ko lang epekto ng mga putukan sa kanila ay nabibingi sila at namamanhid. Nabibingi sila sa mga hinaing ng mga mamamayan, at namamanhid na sila na kahit marami nang naghihirap ay patuloy pa rin sila sa kanilang mga gawain.

Hindi yata ganun ang gusto nating maging epekto ng pagpapatutok, di ba?

A, ewan! Ba't ba ganito ang post ko? Unang-una post sa bagong taon e...

Isipin na lang natin, umpisa na nang bagong taon... baka magkaroon ng bagong pag-asa...

Malay natin, di ba? Hindi naman masama ang mangarap.