Ipinapakita ang mga post na may etiketa na 3 stars and a sun. Ipakita ang lahat ng mga post
Ipinapakita ang mga post na may etiketa na 3 stars and a sun. Ipakita ang lahat ng mga post

Biyernes, Marso 13, 2009

Ang Pinoy nga naman... :(

Marami ang nagulat sa nabalitang pagkamatay ni Francis Magalona... marami ang nalungkot, mga kaibigan, rappers, tagahanga, at kahit yung mga hindi naman talagang sumusubaybay sa kanya ay nalungkot din.

Batid kasi ng lahat ang talento ni Kiko at ang kanyang kontribusyon di lang mundo ng showbiz, kundi sa buong bansa. Napalawak niya ang kamalayan ng nasyonalismo sa mga kabataan.

Dahil dito, marami ang mga naghangad na magkaroon ng kanyang mga dinisenyong t-shirts. 3 Stars and a Sun, mapa ng Pilipinas, ang kulay ng watawat ng bansa, na talagang sumisimbulo ng pagka-Pilipino.

Subalit, hindi na yata maalis sa ugali ng mga tao ang magsamantala at makisakay sa bawat oportunidad. Dahil kanina, ibinalita sa Eat Bulaga na marami na daw namimirata 0 namemeke ng mga t-shirts ni Francis at ito'y kanilang binebenta.

Kaya nanawagan ang kanyang maybahay na si Pia sa pamamagitan ng Eat Bulaga na sana tigilan na nila ang kanilang ginagawa. Huwag sana nating sirain ang alala ni Francis.

Hindi ganyan ang gustong mangyari ni Kiko.